| Leturstærðir: |
|
|
|||
|
| Forsíða |
|
Afhjúpun listaverks. Í tilefni aldarafmælis IR gaf Iðnaðarmannafélagið skólanum listaverk eftir Helga Gíslason myndhöggvara og var það staðsett við skólann þannig að það blasir við aðal aðkomuleiðum að skólanum. Gissur Símonarson fyrrverandi formaður og heiðursfélagi iðnaparmannafélagsins og Helgi Einarsson formaður Iðnemasambands Íslands afhjúpuðu listaverkið. Listamaðurinn valdi verkinu nafnið Mentor eða lærifaðir sem leita má til í leit að faglegri fullkomnun. Afmæli Iðnskólans í Reykjavík Þann 1. október voru 100 ár síðan Iðnskólinn í Reykjavík var settur í fyrsta sinn. Í tilefni af því var haldinn hátíðarfundur í Hallgrímskirkju þann 30 september. Þessi samkoma var mjög hátíðleg og eftirminnileg. Skólameistari setti hátíðina og ávörp fluttu Forseti Íslands, herra Ólafur Ragnar Grímsson, menntamálaráðherra Þorgerður Katrín Gunnarsdóttir, Iðnaðarráðherra Valgerður Sverrisdóttir, fulltrúi samtaka Iðnaðarins Haraldur Sumarliðason og formaður Iðnaðarmannafélagsins í Reykjavík, Ásgrímur Jónasson en hann skýrði m.a. frá því í ávarpi sínu að Iðnaðarmannafélagið hefði ákveðið að gefa skólanum listaverk í tilefni af þessum tímamótum sem afhjúpað yrði að hátíðarfundi loknum. Að fundi loknum bauð Iðnskólinn til samkvæmis í skólanum. Þar voru skólanum færðar margar góðar gjafir. Iðnskólafélagið gaf skólanum kr. 500.000.00 og afhenti formaður félagsins, Ásgrímur Jónasson gjöfina í samkvæminu. Hádegisverðarfundur. Hádegisverðarfundur í nóvember er fastur liður í starfsemi Iðnaðarmannafélagsins í Reykjavík. Í ár hefur verið ákveðið að fundurinn verði haldinn í gamla Iðnskólanum í Reykjavík við Lækjargötu eins og gert hefur verið undanfarin ár. Fundurinn verður haldinn laugardaginn þann 13. nóvember og hefst hann að venju kl. 12.00 með inntöku nýrra félaga. Húsið verður opnað kl. 11.30. Fyrirlesari á fundinum verður Ólafur Grétar Kristjánsson deildarsérfræðingur hjá námskrárdeild Menntamálaráðuneytisins. Í erindi hans verður fjallað um upphaf iðnaðar og greiningu hinna ýmsu starfa í mismunandi iðngreinar hér á landi, aðkomu hagsmunaaðila og stjórnvalda að veitingu iðnréttinda og þróun og breytingar iðngreina á Íslandi. Þetta er sérlega áhugavert erindi, ekki síst í því ljósi að á fundi Iðnskóafélagsins síðar í mánuðinum verður fjallað um framtíð iðnmenntunar í langri framtíð eða út þessa öld. Um veitingar sér Lárus Loftsson að venju. Vinsamlega skráið ykkur til þáttöku hjá eftirtöldum: Ásgrími Jónassyni í síma 554 6058 eða 692 4750, netfang aj@imfr.is Guðmundi Ó Eggertssyni Símum: 581 2714 (heima), 553 5653 (vinna), eða 897 9600. Athugið að skrá ykkur til þáttöku í síðasta lagi fimmtudagskvöld 11. nóv. n.k. Tölvunám. Eins og félögum er kunnugt hefur Iðnaðarmannafélagið ákveðið að bjóða félagsmönnum upp á tölvunámskeið. Við höfum ákveðið að halda námskeiðin í gamla iðnskólanum við Vonarstræti og nota þannig tækifærið til að rifja upp gamla góða daga þegar við vorum þar margir við nám í okkar iðngrein. Þannig verða námskeiðin okkur þreföld ánægja. Í fyrsta lagi lærum við að nota tölvuna okkur til gagns og gamans. Í annan stað rifjum við upp gamlar og góðar minningar frá skólaárunum og í þriðja lagi hittast gamlir vinnir og/eða skólafélagar. Námið verður sniðið að þörfum þeirra sem starfa sinna vegna hafa ekki haft tækifæri til að tileinka sér kosti tölvunnar og notkun hennar við samskipti og upplýsingaleit á netinu. Hægt verður að velja dagnámskeið á þriðjudögum frá kl. 14.00 - 17.00 eða kvöldnámskeið á mánudögum frá kl. 18.00 - 21.00. Kennsla hefst þriðjudaginn 9 nóvember kl. 14.00, dagnámskeið og kl. 18.00 kvöldnámskeið. Námskeiðið er samtals 18 klst. og því lýkur fimmtudaginn 25. nóvember. Innritun er hjá formanni félagsins Ásgrími Jónassyni í símum 554 6058 og 692 4750. Nánar í fréttabréfi. Stjórnin. Velkomin á vefsetur Iðnaðarmannafélagsins í Reykjavík. Vefsetrinu er ætlað það hlutverk að veita upplýsingar um Iðnaðarmannafélagið, sögu þess og starfsemi. Annar tilgangur setursins er aukin virkni félagsmanna og samskipti. Á vefsetrinu verður sérstakur dálkur um fagleg málefni hinna ýmsu iðngreina, spjallrás þar sem hægt verður að skiptast á skoðunum og ýmislegt fleira. Félagið mun bjóða upp á byrjendakennslu í notkun vefjarins en sú kennsla er hugsuð fyrir þá félagsmenn sem ekki hafa á þess kost að tileinka sér notkun tölva. Við vonum að þetta framtak nýtist vel við kynningu á félaginu og komi til að verða lyftistöng í starfi félagsins. |
| Samkeppni ungra iðnaðarmanna World skills.doc |
 |
 |
 |
 |
 |
|
